تعامل الدكتور فيصل فالدور الثاني في عياده 13 كان تعامل سيء جدا..غير مرحب يرفع صوته وأقل وصف لتعامله هو تعامل"همجي" غير لايق لمريض يدور العلاج والراحه.

افشل مستوصف شفت والدكتوره فداء جالسه تسولف باالجوال وتاركه المراجعين ولا تنادي لي ساعه جالسه لحالي بالانتظار وتقول اصبري بناديك اخر مره اجيه وراح اشتكي لوزاره الصحه 🤌

اردى مستوصف ممكن تروحون له سيء لابعد الحدود والموظفات كل وحده تتكلم بطرف خشمها كانها متفضله علينا للاسف لامكان ولاطاقم ويوم جيت اسوي تحليل للمره المليون يرفضون بسبب الوقت الضيق حاشرين الناس كلهم بساعتين بس للتحاليل الواحد ينتظر من شهور واخر شي تقول للموظف مين اللي لابسه نظاره ماني مسويه لها قلت لها تجي بعد بكره ليش ؟ وراح ارفع شكوى لوزارة الصحه يشوفون حل لمعاناتنا اللي كل يوم لاخدمات ولا مكان وهذا حقنا المفروض يكون الاهتمام اكبر من كذا

مركز صحي يقوم بالخدمات الطبيه المؤقتة فقط

عنايتهم بالمريض ممتازه الله يجزاها خير الممرضه الي في الضماد .قدمت لي الرعايه السريعه .نظرا لحالتي الطارئه .شكرا جزيلا لها ياليت لو عرفت اسمها .

جيتهم ودخلت ع الدكتورة فداء وبعدها طلبتها اجازة مرضية لدوام !! قالت تعالي صوريها من جهازالكمبيوتر.. قلت ابيها تنزل بصحتي ليش اصورها .. قلت البرنامج جديد مادري ايشش.. والى الان مانزلت لي اتصلت ع صحتي قالو مانزل لك شي وراجعيهم .. تعاملها بااارد حتى وقت الكشف

اخر مره اتعامل مع هالمستوصف اسلوب ممرضه التطعيم سي و لا تمشي بالمواعيد و الأسماء موعدي كان 8 وربع مادخلت الا 9:40 معليش مافيه ترتيب و تأخير مو اول مره عاد لو في شي يغطي عن شي ممكن سموه مستوصف حي يعني الواحد يضطر يروح مستوصف ثاني صراحه ماانصح فيه لازم وزراة الصحه يشوفون حل للموضوع

مستوصف جيد لكن الافضل من ذلك الدكتورة تهاني غرفة 17 فهي دكتورة بمعنى الكلمة ما شاء الله تبارك الله عند مراجعتي لها لأخذ نتيجة تحاليل لعائلتي اتضح أن الدكتورة قراءة التحليل بالتذكر وقد ساقت لي نتائج التحليل بدقة قبل ما ترجع للجهاز وبعد عودتها للجهاز استخرجت النتائج وكل ما ذكرته لي صحيح مائة بالمائة .شكرا دكتورة تهاني على امانتك في عملك وبكل امانه تستحق الشكر والتقدير.

تعامل جميل من الاستقبال والطبيب رغم الزحمه الله يعطيهم العافيه واستغرب من اللي يكتبون تعليق سئي

الاستقبال جيد والممرضات متعاونات وكانت مراجعتي لطبيبة الاسنان كانت جيده في عملها وحولتني لمركز طب الاسنان حسب قولها ولكن للاسف لم ترفع التحويل الى الان حوالي ١٠ ايام يمكن كان سهوا منها ؟؟؟؟

زي التبن التعامل ماش ووزارة الصحه مو حولهم والوضع واسطات وقلة حيا وحرام فيهم نجمه وحده ، اخس مستوصف ممكن يمر عليك ومن الاشكال اللي فيه تجيهم تعبان تنتظر لين تموت

من لايشكر الناس لايشكر الله شكراً موظف الاستقبال على حجز الموعد الطارئ والف الف شكر للممرضه اللي تقيس الحرارة والوزن على خدمتها الانسانية للاسف ماعرف اسمها بس الله يوفقك وين ماكنتي وشكراً لطاقم الطوارئ

بصراحه انا تعاملت في هالمستوصف مع الدكتور محمد الله يوفقه والدكتوره اسراء الأربش كانو قمة في الاخلاق واللطافه وقاموا بعملهم ع اكمل وجه الله يجزاهم خير ويعطيهم العافيه ويوفقهم ي رب

لو فيه 10 نجوم في الفشل عطيته دايم سستم عطلان ع طول وكل يوم لهم نظام اذا جيت احسب حسابك بتجلس 4 ساعات والمشكله مافيه احد والموظفين اكثر من المراجعين

طاقم المركز تعاملهم سيء الاستقبال والعلامات الحيوية سيئين جداً جداً بعض الدكتوراة سيئين انا الدكاترة محترمين النظافة بالمركز رديئة والنظام غالباً متعطل .

حرفيا افشل مستوصف لا حسيب ولا رقيب ولا تعامل جيد ولا فيه اي اهتمام وكل موظف يتعامل من طرف خشمه اسوء مستوصف

اللي عنده اي شكوي تخص اي خده لاي مركز صحي او مستشفى او الطاقم الطبي يشتكي للصحه افضل 937 ويكتب هنا برضو للعظه والعبره

لا بأس لكن بحاجة إلى استحداث المباني تليق بالمراكز الصحية كما هو بالنموذج الذي سوف يبنى في الضاحية بالحي الثاني اعتقد انه لا بد من إيجاد أكثر من مركز صحي بالضاحية نظرا لزيادة اتساع مساحة الضاحية وزيادة عدد سكانها.

تعامل ممرضات التطعيم جدا ممتاز وسرعة الخدمة الله يعطيهم العافيه

اقسم بالله انه اخس مستوصف قد شفته هو والقحطاني الي فوق يتكلم من طف خشمه👎🏻👎🏻

ما اقول الا حسبي الله ونعم الوكيل الدكتوره منى جيت عندها عشان أذني توجعني تكتب بخاخ انف في الوصفه ليه انا ما قلت له شي في انفي الحمدلله انا فاهمه لو شايب ولا كبار سن مابيعرفون شي رحت صيدليه والله اني مصدومه بعد ما صرف لي صيدلاني ماعد يمديني ارجع لها والله انها بدون نفس تكتب لي العلاج ما تكشف زي الدكاتره المعروف

اول مره واخر مره اجيهم جايه على اساس طواريء بالاخير احصل غرفه الطواريء فاضيه و الدكتوره ما ادري الممرضه الي المفروض تقيس المؤشرات الحيويه جالسه على الجوال تسولف وتقولي انتظري ماراعت بنتي الي عمرها سنه جايه ترجف من قوه ارتفاع الحراره و الدكتوره الي المفروض ادخل عليها جايه تقولي انتظري بحجه ان فيه ناس قبلي!!! طيب و الرضيعه الي حالتها طارئه!؟وبالاخير يدخلوني على دكتور اسمه (ف.م) لا تشخيص عدل ولا اسلوب و ينافخ بعد ما ادري شلون موجود و فيه كثير الي يشتكون منه وين تحقيق الوزاره عنه ولا كان فيه اداره 👎🏽

تعامل طيب من الطاقم الطبي مشكورين على خدمتهم وتمت اجراءات تطعيم المولود على أكمل وجه وأشكر مدير المركز على حسن تعامله ولكن اخبروني بأنه ستصلني رساله نصية لإستلام العلاج من الصيدلية ولم تصل الرسالة حتى الآن لأتمكن من صرف الوصفة الطبية 🌹

❤️