أسوأ تجربه مريت فيها في مركز علاج طبيعي 1- سوء في الحجوزات جيتهم فتحت ملف لبنتي وحجزت عند استشاريه ويوم جيت الموعد ثاني يوم بعد مشوار قالو نعتذر الاستشاريه ما تعالج أطفال!! طيب ليش تحجزون من البدايه ((لاتعليق)) 2- سوء في معالجه الخطأ لأن حولوني على أخصائي ونعم فيه لكن قبل ادخل عنده كنت طالب استشاري وقالو متوفر والكلام طلع غير صحيح. 3- الأسوء اتصالهم من قسم الجوده توقعت انهم راح يعتذرون على اخطائهم لكن للأسف كان اتصالهم فقط علشان يقولون اسفين مايشملك استرجاع مبلغ الكشف حسب شروط المركز وطبعا وش هي الشروط ماقالو وماذكروها لي اساسا.. مركز يرفض يسترجع مبلغ كشف وهو ما كشف اصلا هذا وشلون اتعامل معه بعدين في الجلسات!!! العمل الإداري والتنسيق مهم قبل العلاج الطبيعي

افضل مراكز العلاج الطبيعي الموجودة في الاحساء.. اخوي عانى من سنوات بآلام مزمنه في كتفه و رقبته و لف مراكز كثير و جرب الحجامة و الطب الشعبي و ما استفاد.. لما جرب العلاج الطبيعي في اناة خف الألم تماما بعد الجلسة الرابعة و الأخصائي علمه على تمارين يستمر في البيت علشان ما يرجع له الألم .. صار اذا احد من اخواني جاله الم يحاول يسوي له تمارين 😂واذا ما خف يقول له روح اناة😁

مركز فاشل بالمره ولاانصح فيه بدايه الاشتراك يدور رضاك بعدين كانك جالس تشحذ منهم

خدمة ممتازة اسعار مناسبة للجميع، اشكر الاخصائية حنان ادم تعامل واخلاق روعه

مركز اول ماتجي ياخذونك على محل الراحه بعد ماتدفع تتغير المعامله مثلاً ( عندك موعد جلسه مدتها نص ساعه وتاخرت ٥ دقايق محسوبه من وقتك ) يعني يقول لك يبيلك علاج طبيعي بس اخذ جلسه وحده والباقي سوه انت بالبيت لانه نفس الجلسات متكرره ولا فيها اي تغيير

تجربه جدا سيئه وتعامل مو كويس تحس انك تشحت عشان المواعيد او السؤال عن الخطه العلاجيه لا انصح فيه

للأسف مافيه وضوح بالأسعار كأن الموضوع سر ، و يوم جات عروض اليوم الوطني نزلوا اسعارهم وكاتبين تحت السعر تطبيق الشروط والاحكام ، طيب الله يعافيكم ارسلولي شروطكم واحكامكم ، يجاوبون اجابات مالها علاقة بسؤالي ويلفون ويدورون ، الا لازم تجين قبل تسوين كشف عشان نوريك الشروط والاحكام ، الصراحة ما اعجبني اببد تحفظهم على الامور هذي ، المركز النزيه اسعاره وسياساته واضحه ومعلنه

التجربة كانت لاحد قريباتي كبيرة بالسن كنت مرافقة لها اثناء العلاج و مازالت مستمرة بالعلاج و تشعر بالتحسن و الراحة و ان شاء الله ستمشي قريبا مع الاستمرار بعد توقف احد رجليها عن الوقوف و بتر الاخرى بسبب الغرغرينا.. من الله على الجميع بالصحة والعافية..

مركز متخصص بالعلاج الطبيعي على اعلى مستوى والدكتور محمد السويلم شخص خلوق ومحترم

اولاً شكرًا للإستقبال وتعاملهم الرائع جدًا، ثانيًا شكر كبير لطبيب واستفدت كثير وعرفت مشاكلي وطريقة حلها في جلسة الاستشاره فقط واخيرًا انصح في المركز دون مبالغة .

مركز كامل متكامل وطاقم راق جدا

Very nice center and they have experice specilist. I improved alot on my muscles and know what to focus on every day

تجربتي بهذا المركز للوالد الله يحفظه وفي اول جلسة له كانت غير موفقه مع الآسف لان الأخصائي لم يستفيد منه الوالد في الجلسة فطلبنا تغير الأخصائي وتم تغيره الى الأخصائي محمد السويلم بصراحة احترام وتعامل وتفاني بالعمل والوالد استفاد منه من اول جلسة حيث كانت معه ٨ جلسات انصح بهذا الأحضائي لتعامله وتفانيه بالعمل .

بعد سنين محاولات اخيرا اخذت الخطوة الأولى وحجزت مع الاخصائي تركي، ماكان الامر سهل ابدا. و في نص الطريق فجأه ارسلو لي انهم غيروه و يلا الحين نبدأ من جديد مع أخصائي ثاني!! رجعوني للصفر و الحالة زادت سوء. شكرا على مراعاتكم و حرصكم على صحة مراجعينكم النفسيه 👍🏽

تجربتي معاهم سيئه الاستقبال اسلوبهم جدا سيى في التعامل والاسوء عدم اهتمامهم بصحه النفسيه للمراجع الاخصائي تركي ترك المركز وماعطوني خبر ويوم دقيت قالت الموظفه انه تارك المركز من زمان وانا اخر جلسه ماخذتها من شهر وبيحولوني في شخص ثاني بدون اساسا مايعطوني خبر

مكان منظم وطاقم ممير اشكر الاخصائيه حنان 🥹💕💕💕.. حقيقي اخلاقها ولطافتها من جد حسيت بالاسترخاء من اول جلسه اللهم لك الحمد

الخدمه والاخصائيين رائعين والاستقبال متعاونين جداً و لبقين ، افضل مركز علاج طبيعي بالاحساء الوجهه الاولى بالنسبه لي وللعائلة👏🏻💙💙

امانة المركز متميز عملياً وتعاملاً من تجربة سابقةجزاهم الله خير وحالياًوهذا راجع للسمعة خارج المركز اما من ناحيتي وصف لي الاخ محمد السويلم ووجدته محل الثقة في عمله وخلقه وشكرا

تجربتي كانت مع الاخصائيه رغد العمري، انسانة في قمة الروعه خلوقه ولطيفة جدا وفاهمه شغلها ماشاءالله شهادتي فيها مجروحه، بفضل الله ثم هي كان في تحسن كبير من بدايه العلاج، فعلا نفخر بوجود طاقم سعودي بهذي الكفاءة مثل رغد وكذلك الاخصائيه اللطيفه ريحانه الله يسعدهم ويكثر من امثالهم.. و ما انسى طاقم الاستقبال كانوا محترمين ومتعاونين جدا…كل الشكر والتقدير

لي تجربة معهم جيدة حيث تابعت مع استشارية من أجل معاناتي من ألم العلاج : تمارين رياضية وجلسات كهربائية وبالاجهزة الرياضية كان هناك تحسن ملحوظ بعد جلسات عديدة ، الجميل لديهم عند تعذر حضوري للموعد كنت اطلب جدولة الموعد ليوم آخر لدي ملاحظة على الاستشارية : أتمنى أن تتصف بسعة الصدر قليلًا مرة اتت متأخرة وتتكلم معي بغضب ومن طبعي لا أحب الجدال لكن نظرت إليها بصمت فسكتت وكنت ساشتكي عند خروجي لكن تراجعت